مشرف عنيف : إياك أشوف حرف واحد غلط فى المواضيع تعملولى مراجعة نحوية إملائية رباعية خماسية الدفع
و الجذب و الشد و قبل الموضوع ما يتنشر تقدمولى نسخة كروكى منه و عليها إمضاء من أربعتاشر عضو
لا يقل عدد مشاركتهم عن 5000 مشاركة فى اليوم
عضو ميعجبوش العجب : يحموك فى كنكه
مشرف روووهيف : من فضلك بلاش تكلم الأعضاء بالشكل ده و ياريت بليز بليز لو تلتزم بكوانين النشر
فى الكهوة و بلاش المودوعات المنكولة
مشرف روهيف : و الله لا اقول لماما قصدى للادمين .. يا وحش
عضو ميعجبوش العجب : حوش اللى وقع منك
مشرف بيشرب بايب " كلاسيكى يا ويكى " : فى الواقع البحر فيه قواقع و أنه بناءًا على ما سبق أرى أنه من الواجب
المشاركة بفاعلية فى الموضوعات حيث أننا فى ساحة حوار و كما هو معروف أنه فى شمال أوروبا والدول المتقدمة
ساحات الحوار تفعل الحوار بين الأعضاء دون الإنحدار إلى سفح الكلمات المهينة و الإرتقاء بالروح للوصول إلى حقيقة القوقع المتقوقع
عضو ميعجبوش العجب : آدى دقنى آهيه إذا كنت إنت فاهم إنت بتقول إيه دا تلاقيك إنت ناقله من موقع آراء للبيع قفص طماطم مفعصه و وارشقه فدماغ البيه يا جابر قال متقوقع قال
مشرف دماغه كبيرة :طيب أحب اقولكم إنتوا مش هتحسوا بوجودى أصلاً وتقدروا تنشروا و تتناقشوا
فى كل اللى انتو عاوزينه بمنتهى الحرية اللى متعرفش حد
عضو ميعجبوش العجب : قصدك ايه شايفنا كراسى يعنى و محدش هيرد علينا ولا إيه
طب خد فدمااغك طاخ طووووخ دشششششش "
مشرف مبيفوتش موضوع :أنا بحب أكون فى كل الموضوعات آهوه يا إخوانى عشان تحسوا إنى قريب منكم
و إنى عضو زيى زيكم و وأتمنى إنى أقدر افيدكم و أستفاد منكم
عضو ميعجبوش العجب: اييييه ايه تستفيددد إيييييه اللى إنت بتقوله ده
إنت هتمن علينا بالحرفين اللى بتسيبهم فى كل موضوع و الا إيه و أحب أقولك ان مشاركاتك كلها ملهاش معنى
و تافهه و كمان ريحة رجليك وحشه وأنا ساكتلك م الصبح إبقوا إستحموا مليتوا البلد
عضو ميعجبوش العجب : (لو كان لون المشرف أخضر مثلا) يعععععع ملقيوش إلا ده ما كانوا جابولنا الرجل الاخضر احسن بقى
عضو ميعجبوش العجب : (لو كان لون المشرف سوبر مثلا) عاوزينه عادة ايه سوبر ده هما مال مناخيرهم فى السما كده ليه
مشرفين متنوعين عضو ميعجبوش العجب : طويل شويه .. قصير أوى.. عنده فسفوسه بين حواجبه .. صوته مسرسع .. بيشخر و هو نااايم
يا ساااتر دا الموقع بقى يقرف و كله خناقات و الله ما أنا داخله بعد كده
اما أروح اشوف موقع تانى أقدر أشارك فيه براحتى
إلهى ما تعودها تانى أياااااااام يارب
والحمد لله أدينى إرتحت وجيت لأحلى صحبة فى الصايرة
ههههههههههههههههههههههههههههههه
فما كان من العضو الحبوب إلا أنه ترك هذا المنتدى اللعين وحضر إلينا فأهلاً ومرحباً به معنا فى منتديات الصايرة
و محدش يزعل منى يا جودعان بقى .. وأرجو أن يكون الموضوع نال رضاكم
موضوع: مذكرات عضو !!!! 
الأربعاء 27 أغسطس - 16:34
