[center]
سالخييييييير عليكم جميعا
كل سنة وانتوا طيبين ده اولا
رمضان كريم ده ثانيا
ثالثا بقا ان انا بقالى اسبوع مكسل اكتب التوبيك ده لانى مش عارف اساسا انا بكتبه ليه
بس هكتبه وانا ورايا ايه ...
هو احساس غريب مريب كأنك بتقارن نانسى عجرم بميمى شكيب وحاسس ان دماغى فيها كراكيب
دنيتنا دى مليانه احداث ومواقف والمفروض اننا مع كل موقف اما نفرح او نزعل او يبقى لنا اى رد فعل
انما لما تحصل حاجة و تلاقى ناس زعلانه وناس فرحانه وانت مش عارف تفرح ولا تزعل وكل ده فى
موقف واحد ومش لاقى اى رد فعل اهبل تعبر بيه عن حضرة سيادتك يعنى ...
طبعا عارفين حريق مجلس الشورى والولعه اللى كلت المكان وكانوا بيطفوا بجردل هع هع هع ربنا ياخدهم
بصراحة انا لما عرفت ان البتاع دى شيع وولع معرفتش هل ازعل لان اللى بتولع دى مصر وعلى راى
اللى قال " مصر هى امى " وابويا مش عايز يطلق
ولا افرح ان ربنا بينتقم من الظلمة اللى واكلينها والعه وربنا بيخلص منهم ويولع فيهم :cherry:
ارجع واقول طب ما هما هيصلحوه ويرمموه على حساب موظفين الشعب وهتلاقى قرار نضيف طالع
خصم يوم من كل موظف لاعادة ترميم مجلس الشورى ويا ريت الشعب مستفيد :pirat:
مش موضوعنا ده ومش عايز اتكلم فى سياسة والا كنت عملت التوبيك ف السياسه احسن
انا جيت اقولكوا انى وصلت لدرجة انى مش عارف افرح ولا ازعل ولا اعمل ايه فى نفس ذات التوقيت
اللى انا لازم يطلع منى اى اكسبريشن اى بتاع كده يعرف الناس انا نظامى ايه .
تفتكروا اللى انا فيه ده من ايه ؟؟ طب اعمل ايه وابقى اى حاجه تانيه ؟؟
تفتكروا انا معدى او ده عيب فى المية او الاكل او مخدة السرير ؟؟ طب حد يقولى ايه !!
المفروض اللى بيته يولع يزعل ويلبس اسود واللى بيت عدوه هو اللى يولع يفرح ويلبس ابيض
طب لما الشورى يولع البس ايه ؟؟ اديداس !!!
سمعونى سلام " سيبنى مذبهل ما هى بقت حاجة تشل "
ويجعله عامر ...[center]
موضوع: أنـا مذبهل ..ماهي بقت حاجة تشل 
الخميس 28 أغسطس - 15:05
